A ist question responde un eminent membre del interlinguistic communitá:

Lott esset li unesim modern mundlinguist.

– Edgar de Wahl 1

Dum ist caracterisation describe bene le important linguistic labors de Lott, per quel se occupa le reste del websit, ist pagin esse dedicat al person Julius Lott et sei vit.

Julius Lott, ca. 1900
Julius Lott, ca. 1900.2

Julius Lott nasceve le 16. Februar 1845 o 18483 in Fürstenfeld in Stiria, Austria.

Heinrich Lott, filio del frater de Julius, scribe4 de sei uncul:

Por Julius Lott li carriera militari esset selectet. Il esset misset al Academie Militari in Wr. Neustadt, quel il quittat in 1866 quam leutnant de artillerie por participar strax li campan’e contra Prussia. […]

Ma Julius Lott plu tard trovat ne plu joy de su carriera militari, nam il quittat voluntari li servicie militari e intrat li servicie civil del Privilegiat Austrian Nordferrovia.

Il maritat se con Ernestine Paulizza, li filia de un architect e ingeniero de Graz.

Elo have minimu du infantes, inter quel esseve minimu du filias. Sei marita lamentave che elo have trop pauci temp pro sei familie ob sei lingual activitá; sei libres et sei international correspondence, quel elo have con altri interlinguistes “in grand extension”, ne ha essit conservat de sei familie.4

Lott morive le 21. Februar 1905 in Vienna. Al temp de sei mort, elo esseve superior officialo in le direction del ferrovie.

  1. Interlinguistic reminiscenties, Cosmoglotta nr. 68, 1930. ↩

  2. Julius Lott, ca. 1900. Font: Österreichische Nationalbibliothek ↩

  3. 1845 trova se qua anne de nascence in Wikipedia et ÖNB; incontra, Heinrich Lott scribe in 4 che sei uncul nasceve 1848. ↩

  4. Letter de Heinrich Lott a Karl Janotta publicat in Cosmoglotta nr. 68, 1930. ↩ ↩2 ↩3