Lott qua membre del academie de Volapük
Lott qua membre del academie de Volapük, ca. 1887.1

Ist pagin presenta le historie de Mundolingue – del activitá de Julius Lott pro Volapük us ad le publication del ultim version de sei lingue sex annes ante sei mort.

No artificial language, but a simple, plain language for the common intercourse, useful to every body.

– Julius Lott 2

Anne Event
1885 Lott edite instructiv letters pro autodidactic studie de Volapük.
1887 Nr. 82 de Volapükabled, le central gazette de Volapük, annuncia che Lott ha devenit le 23. “plofed volapüka” (professor de Volapük).

Elo edite un exercitiv libre pro Volapük.
1888 Lott publica un instructiv libre pro rapid apprension de Volapük.

In le id anne, elo publica un broshur in quel elo critica le defectes de Volapük et le obstination de Schleyer; elo propone un novi lingue de communication basat su le european lingues.
1889 In un continuation del prim broshur, elo describe le details de un “lingue de compromiss” per un basic grammatic et le litter A del vocabular.

Far un salta ínmediat de Volapük a Mundolingue monstra un spíritu extraordinarimen clar.

– Ric Berger 3

1890 Correspondence inicia se inter Lott et Edgar de Wahl.

Appari le Grammatik der Weltsprache (“Mondolingue”) et le quadrilingual libre Un lingua internazional: grammatika et vokabular pro angleses, germanes, romanes et pro kultivates de tut mond, quel ultim contine le grammatic et un complet dictionar del lingue.
1891 Pos har quasi perdit corage ob le missuccess de sei efforses, Lott continua sei labor et edite Suplent folie ad mie internazional lingue, quel contine eti propositions de altri interlinguistes qua Edgar de Wahl et Alberto Liptay.
1892 In December, le prim numer del gazette Le Kosmopolit, script in Mundolingue et german, esse publicat. In le, le lingue esse ancor nomat “mondolingue”.
1893 Appari un articul in La Esperantisto in quel on critica le lingue de Lott.
1894 Le ultim numer de Le Kosmopolit appari (probabil numer 13 del 1. April). Lott ne reussi continuar le gazette.
1899 Lott publica le ultim version de sei lingue in le libre Un lingue international pro le cultivat nations de tot mund. Grammatic, dialogs, letters et vocabular, “edit de le international societá pro le propagation del mundolingue”.
1903 Mundolingue esse descript et criticat in Histoire de la langue universelle (p. 421 et sq.) de Louis Couturat – futur propagator de Ido – et Léopold Leau.

Il quasi predessinat li general form del futur L. I., constructet ex elementes del international paroles.

– Edgar de Wahl 4

  1. Font: Mitglieder der Volapük-Akademie, um 1887, Österreichische Nationalbibliothek ↩

  2. Un lingua internazional: grammatika et vokabular pro angleses, germanes, romanes et pro kultivates de tut mond, 1890, p. XVII. ↩

  3. Un precursor ínjustmen obliviat, Cosmoglotta nr. 57, 1929. ↩

  4. Interlinguistic reminiscenties, Cosmoglotta nr. 68, 1930. ↩